*ప్రపంచ పుస్తక దినోత్సవ శుభాకాంక్షలు...*

*జ్ఞాన సాగర భాండాగారం...!!*

అక్షర ముక్కల్ని అందంగా

దాచుకున్న  ప్రియా నేస్తం

మస్తిష్కానికి నుంచి మనసుకు

అల్లుకున్న అక్షరాల పద బృందం...

రాత గాడి రాతలను 

భావితరాల అందించిన అక్షరనిధి

విజ్ఞానాన్ని వినయంగా నింపుకొని

విశ్వమంతా విస్తరించిన ఆకాశం...

అక్షర ముత్యాల అపురూపంగా

దాచుకున్న నేలపైన రత్న గర్భం

సమస్తాన్ని జ్ఞానాన్ని నింపుకున్న

విశ్వంలో ప్రవాహ జ్ఞాన సాగరం....

ప్రాచీన నుండి ఆధునిక వరకు

కాలపు మైలురాళ్ళ చరిత్రకు నిదర్శనం

శాస్త్రాన్ని సాంకేతికతను ముడి వేసి

విజ్ఞాన సర్వస్వాన్ని అందించే ప్రయోగం...

గ్రంథమే విశ్వమంతా వ్యాపించి

అజ్ఞానపు మూఢత్వము తొలగించే

మస్తిష్కపు మట్టిలో పుష్పించే 

ప్రపంచమంతా వ్యాపించిన వట వృక్షం...

కాగితపు పొలములో

అక్షరాలను పండించిన క్షేత్రం

పదం వాక్యంలో పరవశించి ప్రవహించే

నాగరికత పరిమళాల నదీ ప్రవాహం..

ప్రపంచాన్ని కన్నులతో చూడకున్నా

అరచేతిలోనే దర్శింప చేసే దర్పణం

ఒంటరితనాన్ని దూరం చేసే

ఎల్లప్పుడూ తోడు నిలిచే ఆత్మబంధువు..

దగ్గరగా ఉండే ప్రియ నేస్తం

ఎల్లప్పుడూ తోడు ఉండే బంధం

నా ప్రియ మస్తిష్కపు వికాసం

సమస్త లోకాలకు జ్ఞాన అమృత భాండం..

కొప్పుల ప్రసాద్