శీర్షిక: కుటుంబం — అనుబంధాల ఆభరణం

జీవిత పయనంలో

ఎన్ని అడుగులు పడతాయో,

ఎన్ని పరిచయాలు కలుస్తాయో

మనకు తెలియదు.

కాలం గమనములో

చాలా జ్ఞాపకాలు మాయమవుతాయి;

కానీ కొన్ని మాత్రం

కాలానికీ, దూరానికీ అతీతంగా

ఆత్మీయ వెలుగులై

మనసులో చిరునామాలై నిలుస్తాయి.

నవ్వుల వేళలో తోడై

ఆనందాన్ని రెట్టింపు చేస్తూ,

విషాద క్షణాల్లో చేరి

మనసుకు ధైర్యం నింపుతూ,

మాటలకంటే ముందే

మనసును అర్థం చేసుకునే

ఆ ఆత్మీయ బంధాలే

మన కుటుంబం అనే బలమైన నిలయం.

మన జీవన ఆలయంలో

అమూల్య ఆభరణాలై మెరిసే

ఈ అనుబంధాలే కుటుంబం - అవే జీవితాన్ని సంపూర్ణం చేస్తాయి.

అత్యంత విలువైన సంపద అన్యోన్యమైన కుటుంబం. అటువంటి కుటుంబం ఉన్న ప్రతి ఒక్కరూ నిజమైన అదృష్టవంతులే.

ఈ ప్రేమ, ఈ ఆత్మీయత

ప్రతి ఇంటిలో ఎల్లప్పుడూ

నిలవాలని కోరుకుంటూ…

👨‍👩‍👧‍👦 కుటుంబ దినోత్సవ శుభాకాంక్షలు

💐💐💐💐💐

✍🏻 భారతీదేవి చేరెడ్డి