@ ప్రొఫెసర్ చివరి పాఠం @
యూనివర్సిటీ నుంచి
బయటకు వచ్చిన 15 ఏళ్ళకు ...
తనకు ఎంతో ఇష్టమైన ప్రొఫెసర్ 'మోరీ' ని
టీవీలో చూస్తాడు మిచ్ ఆల్బమ్
ఆయనకు ...
ఏ ఎల్ ఎస్ అనే అరుదైన వ్యాధి సోకిందనీ ఆయనకు డాక్టర్లు రెండేళ్ళే గడువు ఇచ్చారనీ తెలిసి నిర్గ్రాంత పోతాడు
వీలు చూసుకుని
ఆయనను చూడ్డానికి వెళ్తాడు
ఆరోజు మంగళవారం
********
తన వయస్సును
ఎంతమాత్రం లెక్కచేయకుండా
ఎప్పుడు సరదాగా చురుగ్గా ఉండే ప్రోఫెసర్ మోరీ
ఇప్పుడు చక్రాల కుర్చీ లో
బాధపడతాడు మిచ్...
యూనివర్శిటీలో
గడిపిన రోజులను గుర్తుచేసుకుని
మనసారా హాయిగా నవ్వుకుంటారు ఇద్దరూ
***********
గురు శిష్యుల ...
సంబంధాన్ని మించి
తండ్రీ కొడుకుల అనుబంధం
వారిద్దరిదీ....
తానింక ...
ఎంతో కాలం ఉండననీ ....
ఇప్పుడు తానే ఒక పాఠ్యపుస్తకాన్ననీ...
జీవితానికీ మరణానికీ
మధ్య సాగే తన ప్రయాణాన్ని
అధ్యయనం చేయమనీ...
ఇది నీ ...
చదువులో చివరి ప్రాజెక్టుగా భావించి
తరుచుగా తనని చూడడానికి రమ్మనీ....
కోరతాడు మోరీ ...
********
గురువుకు
ఇచ్చిన మాట ప్రకారం...
ప్రతి మంగళవారం వెళతాడు మిచ్
అలా... అలా ...
మొత్తంగా మొత్తంగా
పద్నాలుగు వారాల పాటూ ....
ప్రతి వారం
కొంచెం... కొంచెంగా ...
ఆరోగ్యం దిగజారిపోతున్నా ...
ఏమాత్రం...
తరిగిపోని జీవితేచ్ఛను...
తన చేతులు పట్టుకుని చెప్పిన
జీవిత పాఠాలనూ....
ఒక డైరీలా
రాసాడు మిచ్
ఒక్కో వారం
ఒక్కో వంశం గురించి మాట్లాడుకున్నా
ఆ చర్చలన్నిటికీ కేంద్ర బిందువు జీవితమే
********
పేదరికంలో ...
తల్లిని కోల్పోయి.
తండ్రి నిరాదరణలో గడిచిన
తన బాల్య జీవితంతో మొదలుపెట్టి
ఎన్నో ఎన్నో ఎన్నెన్నో విషయాలు చెబుతాడు మోరి
స్వార్థం దురాశ
పైపై మెరమెచ్చుల పాపులర్ కల్చర్
లో పడి కొట్టుకుపోవద్దనీ ....
ప్రేమ మానవత్వం
నైతిక విలువల ఆధారంగా
నీదైన జీవన సంస్కృతిని అలవర్చుకోమనీ
చెబుతాడు మోరీ...
వయస్సు పెరగడమూ
మృత్యువు ఒడిలోకి ఒరగడమూ
ఎవరికి తప్పదనీ
ఈ ఎరుకతోనే
ప్రతి క్షణాన్నీ జీవిస్తే...
చివరి రోజుల్లో పశ్చత్తాపాలు ఉండవనీ...
నలుగురి ముందూ నోరారా నవ్వినట్లే....
మనసారా ఏడవడానికి సంకోచించవద్దనీ
అంటాడు మోరీ
********
క్షీణిస్తున్నారు ఆరోగ్యం
ముంచుకోస్తున్న మృత్యువు
దాపరికాల్లేకుండా మాట్లాడుకునేలా చేశాయి వారిద్దరిని ....
చావు అంచున నిలబడి
ఎలా జీవించాలో మోరీ చెబుతుంటే
తన జీవితంలో అసలు లోపించినదేమటో
నెమ్మది నెమ్మదిగా అర్థమవుతుంది మిచ్ కి
చివరి క్షణం వరకు
జీవితాన్ని ఆస్వాదించాలనే మోరీ దృక్పథం
అందరిలోనూ మంచిని చూసే సహృదయతా
ఆలోచింపజేస్తాయి
తను వెళ్ళిపోయాక
సంతాప సందేశాల్లో ఎవరేం చెప్పేదీ
తనకు తెలియదు కనుక ...
బతికుండగానే
అందరినీ తన చెంతకు పిలిచి
వాళ్లు తన గురించి చెబుతుంటే విని ఆనందిస్తాడు మోరి
ఆయన ప్రేరణతో ...
చిన్న వయసులోనే తనకు దూరమైన తమ్ముణ్ణి
హక్కును చేర్చుకుంటాడు మిచ్
**********
మోరితో మంగళవారాలు
మిచ్ ఆల్బమ్ స్వీయ అనుభవాల మాలిక
గురు శిష్యుల కథ నేపథ్యంలో
సమకాలీన సామాజిక రాజకీయ వ్యాఖ్యానం
ఇదీ జీవితానికి ఒక క్రాష్ కోర్స్
- మిహిర ( ఈనాడు.నెట్)
No comments:
Post a Comment