*ఆకాశం, వాయువు, అగ్ని, నీరు, భూమి అనే పంచభూతాలు శబ్ద స్పర్శ రూప రస

గంధాలనే గుణములతో కూడుకుని ఉంటాయి. ఆకాశం నుండి వరుసగా ఒక్కొక్కటీ పుడతాయి. నాశనమయ్యేటప్పుడు భూమి నుండి వరుసగా ఒక్కొక్కటీ లయమవుతాయి. చెవులు, చర్మం, కళ్ళు, నాలుక, ముక్కు అనే ఇంద్రియాలు శబ్ద స్పర్శ రూప రస గంధాలనే భావాలను పొందుతాయి. ఐదు ఇంద్రియాలు కాక ఆరవది మనస్సు, ఏడవది బుద్ధి, ఎనిమిదవది అహంకారం అవుతాయి. సత్వము రజస్సు తమస్సు గుణాలవుతాయి. ఇవన్నీ భౌతిక ప్రపంచంలో అవ్యక్తంగానే ఉంటూ పుడుతూ పోతూ ఉంటాయి. అవ్యక్తాలుగా ఉన్న గుణాలన్నీ ఇంద్రియ వ్యవహారాదుల ద్వారా వ్యక్తమౌతుంటాయి. ఇంద్రియాలు శబ్ద స్పర్శ రూప రస గంధాదుల భావనను పొంది ఇష్టము వచ్చినట్లుగా చరిస్తాయి. మానవుడు ఆ విషయం తెలుసుకొని వాని నుండి దూరంగా ఉండడం మంచిది.