🙏🙏🙏🙏🙏

యెనుముల 

🙏🙏🙏🙏🙏

WOMEN EDUCATION 

🙏🙏🙏🙏🙏🙏

 ఆస్తులు లేకుండా చదువు ధైర్యం అవుతుంది 

🙏🙏🙏🙏🙏

నిన్న మా శానిటేషన్ వర్కర్, ఇంటర్ అయిపోయినా వాళ్ళ పాపతో వచ్చింది ... చాలి చాలని సంపాదన,పైగా నలుగురు పిల్లలు... తనే పెద్ద కూతురు త్వరగా సంపాదన మొదలయ్యేలా,తక్కువ ఖర్చులో,హాస్టల్ ఫెసిలిటీ ఉండేలా ఏమైనా చదువులు చెప్పమని ఆవిడ అడిగింది... అక్కడ వేరే మేడమ్ కూడా ఉన్నారు( other department) వాళ్ళ ఊరి మనిషి సో మంచి మాట చెప్తుందని ఆశతో ఆవిడ వైపే చూస్తున్నారు వాళ్ళు ...

అసలు ఆడపిల్లకి చదువు ఎందుకు ?? ఇంట్లో తన పిల్లలకి నాలుగు అక్షరాల ముక్కలు నేర్చుకుంటే చాలు కదా?? ఇంట,బయట అంత స్ట్రెస్ ఉంటుంది  అని ఉద్యోగంలో వచ్చే ఇబ్బందులు అన్ని, వర్కింగ్ ప్లేస్ లో ఉండే వాటి గురించి ఫుల్ నెగెటివ్ గా చెప్పడం తో పూర్తి చేసింది ...

ఆ పిల్ల పాపం అప్పటికే బిక్క మొహం వేసేసింది..మా అమ్మకి ఇలా చెప్తున్నారు కదా ఇక నన్ను చదివించదు ఏమో అని ...వాళ్ళకి దగ్గరలో ఏ కాలేజెస్ ఉండవు డైలీ పోయి రావాలి అంటే కుడా 50km,hostels ఉండేలా అంటే దాదాపు 100 km పైనే ఉంటాయి గ్రాడ్యుయేషన్ కోసం అయితే ..ఆడపిల్లల విషయంలో ఆ పల్లెటూరిలో ఆలోచించే అతి ముఖ్యమైన విషయం అది ( రిచ్ వాళ్ళు కాదులెండి)..

నేను మౌనంగా గమనిస్తున్నా ...ఎందుకంటే నన్ను అడగలేదు పైగా నేను ఉద్యోగంలో పడే ఇబ్బందులు వాళ్ళు డైలీ చూస్తుంటారు కూడా కదా ... 

అప్పుడు ఆ పిల్ల వాళ్ళ అమ్మ ఎత్తింది కదా నోరు ... అదేంటి మేడమ్ ఏమి చదివించాలి చెప్పమంటే మీరు చదివేందుకు అంటారు?? ఆ పిల్ల ఎవరిని ఉద్ధరించక పోయినా తనని తను పోషించుకునే ధైర్యం అయినా ఇవ్వాలి గా..అది చదువుతో నే కదా వస్తుంది ...ఈ రోజుల్లో ఎవడైనా సాకుతాడు అనే నమ్మకం ఎంతవరకు ... ?? రేపు జీవితంలో ఏమి జరిగినా నా బిడ్డకి ఆస్తులు లేకున్నా చదువు ధైర్యం అవుతుంది కదా?? 

మీరు స్కూల్ కే అంత దూరంలో మీ అమ్మాయిని పెట్టీ చదివిస్తున్నారు,మీరు చదివి ఉద్యోగం చేస్తున్నారు ... నా బిడ్డకి మాత్రం ఇలాంటి మాటలు చెప్తున్నారు అని ...ఆడపిల్లకి చదువే మేడమ్ ముఖ్యం ...అని మాట్లాడింది ...

ఒక్క నిమిషం ఆగి...ఈ madam ను చూడండి... ఇంత పెద్ద దెబ్బలు తరువాతా కూడా ఇంకా ఎవరు మీద ఆధారపడకుండా బ్రతుకుతుంది ఆ చదువు, ఉద్యోగం వల్లనే కదా  అని నావైపు చూసి మాట్లాడింది ... అవసరం అయితే నేను ఒక పూట తిండి మానుకొని అయినా నా పిల్లను ఇంకొంచెం చదివిస్తాను ..నేను పడిన ఏ కష్టం నా బిడ్డ పడకూడదు కదా అనింది ...నేను వాళ్ళ అమ్మాయి ఇద్దరం ఒకేసారి ఆవిడ వైపు ఆశ్చర్యంగా చూసాం...

ఆ తల్లికి కనీసం సంతకం రాదు.. వేలిముద్రనే వేస్తూ ఉంటుంది ...ఆవిడ మాట్లాడడం కూడా మొదటిసారే చూసాను అంత నిదానస్తురాలు...ఇదే కదా తల్లి ప్రేమ అనిపించింది 😍😍 

చివరలో అడిగా నేను ,నీకు చదువంటే ఇష్టం ఉండి చదువుకోలేక పోయావా చిన్నప్పుడు అని ...ఆవిడ అనింది కదా.. చూడు పంతులమ్మ పొద్దునంత పొలంలో చాకిరి చేసి వచ్చిన సాయంత్రానికి నా మొగుడు కొ*డుతూ ఉంటాడు.. భరించలేక మా అమ్మ దగ్గరికి పోదాం అంటే నలుగురు పిల్లలతో నిన్ను ఎక్కడ సాకేది అన్నట్లు మాట్లాడుతుంది... అవమానం చేసిన,అనుమానపడిన, కుట్లు పడేంతగా కొ*ట్టిన కూడా సర్దుకొని బ్రతుకుతుంది నా మీద నాకు వీళ్ళని పోషించగలను అనే ధైర్యం లేక...నా బిడ్డలు నలుగురికి ఆ ధైర్యం ఇస్తాను .. నొప్పి భరించే పరిస్థితి వస్తె నువ్వు బయటికి వచ్చి బ్రతుకు అని చెప్తాను అని అనింది ... 

అదే ఊరిలో  స్కూలులో చదివే వాళ్ళ కొన్ని child marriages ఆపడానికి పెద్ద ఎత్తున కష్టపడ్డాను నేను... అలాంటిది ఇలాంటి తల్లిని చూసి నోట మాట రాక మౌనంగా ఉన్నాను ..  రోజుకి 400-600 rs సంపాదించే వ్యవసాయ కూలీ ఆవిడ..ఆలోచన మాత్రం ఏ స్థాయిలో ఉన్నాయి చూడండి... 

ఈ తరం తల్లులు బిడ్డలకు అణుకువతో పాటు,ఆత్మగౌరవం ఇస్తున్నార.

ఆ తర్వాత అమ్మాయి ఇంటర్ లో Bipc గ్రూప్ చదివింది అని చూసి నాలుగు అయిదు ఆప్షన్స్ చెప్పినాలే కానీ మీరు కూడా కొన్ని చెప్పండి తెలిసినవి ...