మనసు తలుపు తెరవగానే 

మనను పొదివి పట్టుకుని ప్రేమగా 

లోపలికి తీసుకెళ్లి పరిమళాన్ని

పరిచయం చేసే  పిల్లగాలి

రెప్పల తెర తీయగానే 

చప్పున చేయి పట్టుకుని 

మనకోసం ముంగిట వేచిన 

వెలుగుల ముగ్గులు చూపే కాంతి

దూరంగా అదేపనిగా.....

మనల్నే పిలుస్తూ రారమ్మని 

ఆహ్వానిస్తూ కమ్మగా కూసే 

కోయిల స్వాగత గీతాలు

బయటకు అడుగు పెట్టగానే 

నిలువెల్లా వెచ్చగా తాకి 

నీకోసమే వచ్చానంటూ 

నులివెచ్చని హాయిని ఇచ్చే నీరెండ...

తూరుపు సింహాసనం అధిరోహించి

గగన వీధిని కొలువు చేయగా

జ్యోతి కలశం హేమకాంతులు 

ఒలికిస్తూ ఏతెంచే శుభతరుణం...

సకల చరాచర జీవాలకు 

సత్తువ సేమము ప్రసాదించి

నిఖిల జగమునకు నిరతము

చైతన్య  ప్రదాతగా  రక్షింప 

ఆగమించు దినమణికి 

🌸🌸🌸🌸

బృంద 🙏