*_ఏమిచ్చి తీర్చేవు_*

*_నేల తల్లి రుణం..!?_*

################

*కన్నతల్లి కూడా* 

*నిన్ను నవమాసాలే మోస్తుంది..*

*ఆ తల్లి తొమ్మిది నెలల* *తర్వాత పురిటి నొప్పులు* 

*పడి నిన్ను కనేసి పడేసేది* 

*ఈ నేలతల్లిపైనే..*

*అప్పటి నుంచి* 

*నీకు అన్నీ సమకూరుస్తూ..* 

*నిన్ను సహిస్తూ..* 

*నిన్ను భరిస్తూ జీవితాంతం* 

*నిన్ను మోసేది* 

*ఆ భూమితల్లే..!*

    

*అంతేనా..నీ చివరి  ప్రయాణం వరకు నీ వెంట* *ఉండడమే గాక నిన్ను తనలో*

*కలిపేసుకునేది కూడా* 

*ఆ భూమాతే..!*

     

*మరి అలాంటి తల్లికి* 

*నీ రుణం తీర్చుకునేదెలా..*

*తనలోని పచ్చదనాన్ని*

*కాపాడుతూ..* 

*ఓ మొక్క నాటు..*

*అక్కడితో పనైపోయిందనుకోక* 

*రోజూ దానికి* 

*నీళ్ళు పోసి పెంచు..*

*ప్రకృతి పొగబారకుండా*

*నీ వంతు  కృషి చెయ్యు..!*

   

*తల్లి రుణం తల కొరివితో*

*తీరుతుందేమో..*

*నేల తల్లి రుణం తీరాలంటే*

*పర్యావరణ పరిరక్షణకు*

*చేతనైందల్లా చెయ్యవోయ్..!*

*_ప్రకృతిలోని పచ్చదనం.._*

*_నీ ఇంట చల్లదనం..!_*

🌴🌴🌴🌴🌴🌴🌴

_సురేష్ కుమార్ ఎలిశెట్టి_