వృక్షాలు గగనాలతో చేరి

అట్టహాస ఆహ్వానం పలుకుతుంటే...

లేత కిరణాల తాకిడికి

సిగ్గుగా మెరుస్తోన్న ఆకులు.

వెలుగును ముందుకు

పోనీకుండా అడ్డుగా నించుని

సరాగాలాడుతున్నట్టు 

నించున్న వృక్ష సమూహం.

చీకటి నిండిన మనసులకు

కొత్త వెలుగులు ఇవ్వడానికి

గమ్యాలకై చేసే గమనాలకు

కొత్త ఉత్సాహం ఇవ్వడానికి

వికసించే పువ్వులకు

కొత్త పరిమళం అద్దడానికి

జలజల పారే సెలయేటికి

కొత్త రాగాలు నేర్పడానికి

మదినిండిన సంతోషాలకు

కొత్త మధువులు చవి చూపడానికి

ఏకాంతపు మౌనానికి

కొత్త భాష్యం చెప్పడానికి

అలుపు లేని పోరాటాలకు

గెలుపు దారి సుగమం చేయడానికి

దిక్కు తెలియక నిలిచిన

నావకు దిశానిర్దేశం  చేయడానికి

విచ్చేస్తున్న అచ్చమైన భగవంతునికి

అంతరంగంలో హారతి పడుతూ

🌺🌺 సుప్రభాతం  🌺🌺

బృంద 🙏